Encélado

A pequena lúa Encélado de Saturno ten os ingredientes necesarios para que haxa vida no seu océano interior, segundo novas observacións da misión Cassini que a NASA presentou onte en rolda de prensa.

Cassini xa descubrira, desde que empezou a explorar Saturno e as súas lúas hai doce anos, que Encélado ten auga líquida baixo a súa superficie e moléculas adecuadas para a química da vida. Pero faltaba o terceiro ingrediente, que se identificou agora: fontes de enerxía interna suficientes para sustentar un ecosistema.

O descubrimento, que se presenta esta semana na revista Science , confirma a Encélado como un dos principais candidatos do sistema solar a albergar vida extraterrestre. A vida en Encélado, se existe, sería comparable á que prolifera na Terra xunto ás fontes hidrotermales do fondo dos océanos. Sería un tipo de vida que non se alimenta da enerxía que vén do sol senón da enerxía que emana do interior do astro.